বিটকইন চিৰিজ ২ - বিটকইন কেনেকৈ ক্ৰয় কৰিব পাৰি?

 ইতিমধ্যে আপুনি বিটকইনৰ মৌলিক বিষয়বোৰ শিকিছে, এতিয়া আপুনি ইয়াৰ সম্ভাৱনাৰ বিষয়ে উৎসাহিত আৰু অলপ বিটকইন ক্ৰয় কৰিব বিচাৰে। কিন্তু কেনেকৈ?

 

বিটকইন এক্সচেঞ্জত বা পোনপটীয়াকৈ বজাৰৰ জৰিয়তে আন লোকৰ পৰা ক্ৰয় কৰিব পাৰি।

 

আপুনি বিভিন্ন ধৰণে বিটকইন ক্ৰয় কৰিব পাৰে। আপুনি কিছুমান একচেঞ্জৰ পৰা বা আন কোনো গ্রাহকৰ পৰা পোনপটীয়াকৈ বিটকইন ক্রয় কৰিব পাৰে।

 

প্ৰথমতে আপুনি আপোনাৰ বিটকইন সংৰক্ষণ কৰিবলৈ ৱালেট এটা ছেট আপ কৰি ল’ব লাগিব। এই ৱালেট অনলাইন ৱালেটো হ'ব পাৰে (এক্সচেঞ্জ বা এক স্বতন্ত্ৰ ৱালেট সেৱা প্ৰদানকাৰীৰ জৰিয়তে), ডেস্কটপ ৱালেট, ম'বাইল ৱালেট বা অফলাইন (যেনে হাৰ্ডৱেৰ ডিভাইচ বা কাগজৰ ৱালেট)ও হ’ব পাৰে। জনপ্রিয় আৰু অধিক নিৰাপত্তা থকা ৱালেট আপুনি www.blockchain.com ত আপুনি খুলি ল’ব পাৰে।

 

যিকোনো ৱালেটৰ আটাইতকৈ গুৰুত্বপূৰ্ণ অংশ হৈছে আপোনাৰ চাবি (Key) /বা পাছৱৰ্ডবোৰ সুৰক্ষিত ৰখা। যদি আপুনি সেইবোৰ হেৰুৱায়, আপুনি তাত  সোমাব নোৱাৰিব। ফলত আপোনাৰ সঞ্চিত বিটকইন হেৰাই যাব পাৰে। ইয়াৰ উপৰিও, কেতিয়াও আপুনি যিমান লোকচান হ’লে আপোনাৰ ক্ষতি নহয় তাতকৈ অধিক বিনিয়োগ নকৰিব – ক্ৰিপ্টোকাৰেন্সীবোৰ অস্থিৰ আৰু সেইবোৰৰ মূল্য হ্ৰাস হোৱাৰ লগতে বৃদ্ধি হ'ব পাৰে।

 

যদি আপুনি অনলাইন বিটকইন ক্ৰয় কৰিব বিচাৰে, আপুনি ক্ৰিপ্টোকাৰেন্সী এক্সচেঞ্জত এটা একাউণ্ট খুলিব পাৰে যি আপোনাৰ হৈ বিটকইন ক্ৰয় আৰু বিক্ৰী কৰিব। বৰ্তমান শ শ একচেঞ্জে এইক্ষেত্রত কাম কৰি আছে, আনহাতে আন কিছুমান একচেঞ্জ হেকিংৰ বাবে বন্ধ হৈ যায় (যেনে Cryptopia একচেঞ্জ)। একচেঞ্জ  বাছনি কৰাৰ আগতে কিছু গৱেষণা কৰা উচিত ।

 

উচ্চ-ভলিউম একচেঞ্জৰ ভিতৰত আছে কইনবেচ, বিটফাইনেক্স, বিটষ্টাম্প, বিনেন্স আৰু পোলোনিক্স।  এইবিলাকৰ ভিতৰত যিকোনো এটাত আপুনি নিজৰ একাউণ্ট খুলি ল’ব পাৰে। এই একচেঞ্জ বিলাকত আপুনি একাউণ্ট খুলিবলৈ যাওঁতে KYC দিয়াটো অত্যন্ত গুৰুত্বপূর্ণ। ইয়াত সাধাৰণতে আপোনাৰ অফিচিয়েল আইডিৰ ফটো অন্তৰ্ভুক্ত থাকে, আৰু কেতিয়াবা ঠিকনাৰ প্ৰমাণো অন্তৰ্ভুক্ত থাকে। যদি কেতিয়াবা একচেঞ্জটো হেক হয়, আপুনি নিজৰ জমা ক্রিপ্তো ঘুৰাই পাবলৈ ID Verification ৰ দৰকাৰ। ID Verification নহলে আপোনাৰ সঞ্চিত পুঁজি ঘুৰাই নাপাবও পাৰে।

 

বেছিভাগ এক্সচেঞ্জে বেঙ্ক transfer বা ক্ৰেডিট কাৰ্ডৰ জৰিয়তে fiat মুদ্রা  গ্ৰহণ কৰে, আৰু কিছুমানে PayPal  সৈতে কাম কৰিবলৈ ইচ্ছুক। তেওঁলোকে সাধাৰণতে প্ৰতিটো লেনদেনৰ বাবে মাচুল আদায় কৰে, যাৰ ভিতৰত আছে বিটকইন নেটৱৰ্ক ব্যৱহাৰ কৰাৰ ব্যয়। Bitcoin Assamese

 

এক্সচেঞ্জে ধন লাভ কৰাৰ পিছত, ই আপোনাৰ হৈ সংশ্লিষ্ট পৰিমাণৰ বিটকইন ক্ৰয় কৰিব, আৰু সেইবোৰ এক্সচেঞ্জত স্বয়ংক্ৰিয়ভাৱে উৎপন্ন হোৱা ৱালেটত জমা কৰিব। তাৰ পিছত আপুনি পুঁজিবোৰ আপোনাৰ অফ-এক্সচেঞ্জ ৱালেটলৈ স্থানান্তৰ কৰি ল’ব লাগে।

 

নেটৱৰ্কৰ ট্ৰেফিক আৰু লগতে সেই লেনদেনৰ সৈতে সংলগ্ন মাচুলৰ ওপৰত নিৰ্ভৰ কৰি বিটকইন লেনদেন এটা প্ৰক্ৰিয়া সমাপ্ত কৰিবলৈ কেইমিনিটমানৰ পৰা কেইদিনমানলৈকে যিকোনো সময় লাগিব পাৰে।

 

যদি আপুনি নগদ ধনেৰে বিটকইন ক্ৰয় কৰিব বিচাৰে, Local Bitcoinৰ দৰে প্লেটফৰ্মে আপোনাৰ ওচৰৰ ব্যক্তিবিলাক বিচাৰি উলিওৱাত সহায় কৰিব, যি নগদ ধনৰ বাবে বিটকইন বিনিময় কৰিবলৈ ইচ্ছুক। লগতে LibertyX আৰু WallofCoins, Paxful আৰু BitQuick এ আপোনাক আপোনাৰ ওচৰৰ বেঙ্ক শাখালৈ divert কৰি দিয়ে  যি আপোনাক নগদ জমা কৰিবলৈ আৰু কেইঘণ্টামান পিছত বিটকইন প্ৰাপ্ত কৰিবলৈ অনুমতি দিব।bitcoin in assamese

 

ভাৰতীয় গ্রাহকসকলে কিছুমান ভাৰতীয় একচেঞ্জ যেনে Zebpay, Wazirex, BITBNS আদিৰ যোগেদি  ভাৰতীয় মুদ্রা  একচেঞ্জত জমা কৰি বিটকইন ক্রয় কৰিব পাৰে।

 

আপুনি বিটকইন এ টি এম’ ৰ যোগেদিও কিনিব পাৰে। অৱশ্যে অসম বা ভাৰতত এতিয়ালৈকে এই সেৱা পয্যাপ্ত হোৱা নাই। ২০১৮ চনত ভাৰতৰ বেংগালুৰুত এটা বিটকইন এ টি এম স্থাপন কৰা হৈছিল যদিও পিছত ই বন্ধ হৈ যায়। কিন্তু ইয়াৰ বিপৰীতে কিছুমান দেশ যেনে আমেৰিকা, জাপান, থাইলেণ্ড আদি দেশত আপুনি এ টি এমৰ যোগেদি বিটকইন ক্রয় কৰিব পাৰে।

 

বিটকইন এটিএম হৈছে এনে যন্ত্ৰ যি নগদ ধনৰ বিনিময়ত আপোনাৰ ৱালেটলৈ বিটকইন প্ৰেৰণ কৰিব। তেওঁলোকে বেঙ্ক এটিএমৰ দৰে একে ধৰণে কাম কৰে – আপুনি এ টি এম’ত এণ্ট্রী কৰিব, আপোনাৰ বিটকইন ৱালেটৰ QR কোড  এ টি এমৰ স্ক্রীণত স্কেন কৰিব লাগে আৰু বিটকইনৰ সংশ্লিষ্ট পৰিমাণ আপোনাৰ ৱালেটত জমা হৈ যাব।

 

এইদৰে আপুনি বিভিন্ন উপায়েৰে বিটকইন ক্রয় কৰিব পাৰিব।