বেঙ্কবোৰে ক্ৰিপ্টো-এক্সচেঞ্জৰ সৈতে সম্পৰ্ক ছিন্ন কৰাৰ পাছত, কি বিকল্প আছে?

শেহতীয়াকৈ, PayTm পেমেণ্ট বেঙ্কে Wazirex, Zebpay আদিৰ দৰে ক্ৰিপ্টোকাৰেন্সী এক্সচেঞ্জৰ পৰা নিজকে আঁতৰাই ৰাখিছে। ইয়েছ বেঙ্ক আৰু আই চি আই চি আইয়ে ইতিমধ্যে এই এক্সচেঞ্জবোৰৰ পৰা নিজকে বিচ্ছিন্ন কৰাৰ সৈতে, ক্ৰিপ্টোকাৰেন্সী সম্পৰ্কীয় লেনদেনৰ ক্ষেত্ৰত ভাৰতীয় বিনিয়োগকাৰীসকলে যথেষ্ট অসুবিধাৰ সন্মুখীন হৈছে।

অস্পষ্ট নিৰ্দেশনা

দেশত ক্ৰিপ্টোকাৰেন্সী লেনদেনৰ সুবিধাৰ বাবে বিভিন্ন বেংকিং প্ৰতিষ্ঠান আঁতৰি অহা দেখিবলৈ পোৱা গৈছে। ভাৰতত ক্রিপ্তকাৰেঞ্চীৰ  ধূসৰ আৰু অস্পষ্ট নিয়মৰ বাবে এই ধৰণৰ সমস্যাই দেখা দিছে।   চৰকাৰে ক্ৰিপ্টোকাৰেন্সী গ্ৰহণ কৰাৰ দিশত এক "কেলিব্ৰেটেড" পদ্ধতি বাছনি কৰিছে।  ৱাজিৰ এক্স, জেবপেৰ দৰে বেছিভাগ এক্সচেঞ্জে এতিয়াও বিটকইন,  ইথেৰিয়াম আৰু অধিক ক্রিপ্তোৰ ব্যৱসায়ৰ বাবে ৱালেটত ধন জমা দিয়াৰ বাবে বহুলভাৱে ব্যৱহৃত ইউ পি আই (ইউনিফাইড পেমেণ্ট ইণ্টাৰফেচ) সুবিধা গ্রাহকক প্ৰদান কৰা নাই।

আমোদজনক ভাৱে, ইউ.পি.আই. প্ৰণালী পৰিচালনা কৰা নেচনেল পেমেণ্টচ কৰ্পোৰেশ্যনে ক্ৰিপ্টোকাৰেন্সী নিষিদ্ধ কৰাৰ ওপৰত গুৰুত্ব দিয়া নাই। অৱশ্যে, ই ৱাজিৰ এক্স, কইন ডি চি এক্স, আৰু আন একচেঞ্জ সমূহৰ দ্বাৰা সন্মুখীন হোৱা লেনদেনৰ সমস্যাবোৰ হ্ৰাস কৰিবলৈ একো নকৰে।

কইন ডিচিএক্স-ৰ এক বিবৃতি অনুসৰি, এক্সচেঞ্জটোত বৰ্তমান লেনা-দেনাৰ বাবে মাত্ৰ দুটা সম্পূৰ্ণ কাৰ্যকৰী পদ্ধতি আছে যাক ভাৰতীয় মুদ্রা জমা বা উইদ্র কৰিবলৈ ব্যৱহাৰ কৰা হয়। একচেঞ্জটোৱে যিমান সম্ভৱ সোনকালে অধিক  উপায় যোগ কৰিবলৈ নিৰন্তৰ কাম কৰি আছে।

ৱাজিৰ এক্সৰ প্ৰতিষ্ঠাপক আৰু মুখ্য কাৰ্যবাহী বিষয়া নিচল চেট্টীৰ এটা টুইট অনুসৰি, একচেঞ্জটোৱে শীঘ্ৰেই অধিক বেঙ্কিং অংশীদাৰ যোগ দিব বিচাৰিছে।

"আগতে, আমি আমাৰ ব্যৱহাৰকাৰীসকলক জনাইছিলো যে পে টি এম বেঙ্কৰ বেঙ্কিং সেৱা এতিয়া একচেঞ্জটোত গ্রাহকৰ বাবে উপলব্ধ নহয়, আৰু এই সময়ত ৱাজিৰএক্সত P2P পদ্ধতি হৈছে একমাত্ৰ  বিকল্প। আমি নতুন বেঙ্কিং অংশীদাৰ যোগ দিয়া আৰু আমাৰ ব্যৱহাৰকাৰীসকলৰ বাবে ৱাজিৰএক্স ৱালেটত পুঁজি জমা কৰাৰ বাবে একাধিক  জমা বিকল্প অনাৰ সমাপ্তি পৰ্যায়ত আছোঁ। সমান্তৰালভাৱে, দলটোৱে বেংকবোৰৰ সৈতে আলোচনা কৰি আছে”।

P2P মেকানিজম

অৱশ্যে বেছিভাগ বিনিয়োগকাৰীয়ে বৰ্তমানৰ জমা পদ্ধতিটো অত্যন্ত সময় সাপেক্ষ আৰু কঠিন বুলি বিচাৰে। বৰ্তমানৰ জমা আৰু উইদ্র কৌশলবোৰ ইণ্ট্ৰা-ডে ট্ৰেডিংৰ দৃষ্টিকোণৰ পৰা ভাল নহয়, য'ত লেনদেনবোৰ ছেকেণ্ডৰ ভিতৰত নিষ্পত্তি আৰু প্ৰতিফলিত কৰিব লাগিব।

দিল্লী-ভিত্তিক যোগাযোগ পেছাদাৰী কৰণ আনন্দ, যি এজন নিয়মীয়া ক্ৰিপ্টোকাৰেন্সী ব্যৱসায়ী, এনে বহুতো ক্ৰোধিত বিনিয়োগকাৰীৰ ভিতৰত এজন। তেওঁ তেওঁৰ অভিজ্ঞতাৰ বিষয়ে বৰ্ণনা কৰে, য'ত তেওঁ বজাৰ নিম্নগামীৰ সময়ত ইথেৰিয়াম ক্ৰয় কৰিবলৈ তেওঁৰ ক্ৰিপ্টো ৱালেটত ধন জমা কৰিছিল, কিন্তু ৩৩ ঘণ্টাৰ পিছত তেওঁৰ একাউণ্টত ধন প্ৰতিফলিত হৈছিল,  আৰু তেতিয়ালৈ বজাৰ পুনৰুদ্ধাৰ হৈছিল। তেওঁৰ পৰিয়ালৰ এজন সদস্যই পুঁজি জমা কৰিবলৈ সক্ষম হোৱা নাছিল, যাৰ ফলত তেওঁলোকে বজাৰৰ গুৰুত্বপূৰ্ণ সুযোগ হেৰুৱাইছিল।

"তেওঁলোকে সঁচাকৈয়ে জমা পদ্ধতিবোৰ সহজ কৰিব লাগিব। যেতিয়া আপুনি বিজ্ঞাপন দিয়ে যে আপুনি এই প্লেটফৰ্মবোৰত মিনিটত এইটো কৰিব পাৰে, আপুনি ক্ৰিপ্টোকাৰেন্সী ক্ৰয় কৰিবলৈ কেইবাদিনো অপেক্ষা কৰিব নোৱাৰে”,  - তেওঁ কয়।

ৱাজিৰএক্স, যি ইয়াৰ P2P বাণিজ্য প্ৰণালীৰ বাবে জনপ্ৰিয়তা লাভ কৰিছিল, এতিয়া কৈছে যে বৰ্তমানৰ বাবে, তেওঁলোকৰ প্লেটফৰ্মত বাণিজ্য কৰাৰ এইটোৱেই একমাত্ৰ উপায়।

 

এই পদ্ধতি  ডলাৰৰ ওপৰত নিৰ্ভৰ কৰে, যাক সাধাৰণতে টিথাৰ (Teather) বুলি কোৱা হয়। যিহেতু ই ডলাৰৰ দৰে মুদ্ৰাৰ মূল্যাঙ্কনৰ সৈতে সম্পৰ্কিত, ই তুলনামূলকভাৱে স্থিৰ আৰু ইয়াৰ মূল্য নিৰন্তৰ $1 ত চিহ্নিত কৰা হয়। এক্সচেঞ্জত লেনদেন কৰাৰ বাবে আপোনাৰ সকলো ধন USDT লৈ ৰূপান্তৰিত হয়।

এই P2P প্ৰণালীটোক কেৱল এক স্মাৰ্ট ভাৰ্চুৱেল বজাৰ বুলি ভাবক, য'ত আপোনাৰ প্ৰয়োজনীয়তাৰ ওপৰত নিৰ্ভৰ কৰি আপোনাক সঠিক ক্ৰেতা বা বিক্ৰেতাৰ সৈতে লগ লগাই দিয়া হয়। প্ৰক্ৰিয়াটো সৰল। ধৰি লওক, আপুনি ২০০ আমেৰিকান ডলাৰ ক্ৰয় কৰিব বিচাৰে। আপুনি একচেঞ্জটোৰ নিদিষ্ট স্থানলৈ গৈ ক্রয়ৰ বাবে অর্ডাৰ কৰে আৰু প্লেটফৰ্মে আপোনাক সেই মুহূৰ্তত বিক্ৰেতাৰ সৈতে সংযোগ কৰাই দিয়ে। প্ৰৱঞ্চনাক প্ৰতিৰোধ কৰিবলৈ বিক্রেতাৰ USDT সুৰক্ষিতভাৱে Escrow একাউণ্টত ৰখা হয়। দুয়োপক্ষই চৰ্তাৱলীত সন্মত হোৱাৰ পিছত আৰু লেনদেনৰ সৈতে আগবাঢ়ি যোৱাৰ পিছত, ধন ক্রয় কৰিব বিচৰা গ্রাহকলৈ প্ৰেৰণ কৰা হয়।

আপোনাক ৱাজিৰএক্স প্লেটফৰ্মত এক Unique XID আৱণ্টন কৰা হয়, যি আপোনাক ক্ৰেতাৰ সৈতে ব্যৱসায় অব্যাহত ৰাখিবলৈ অনুমতি দিয়ে আৰু আন ব্যৱসায়ীসকলৰ সৈতেও লেনা-দেনা কৰিব পাৰে। অৱশ্যে, P2P প্ৰণালীৰ নিজা সীমাবদ্ধতা আছে, যিহেতু আপুনি বিচৰা সময়ত ক্ৰেতা বা বিক্ৰেতা তাৎক্ষণিকভাৱে উপলব্ধ হোৱাৰ কোনো নিশ্চয়তা নাই, যি আপোনাক লেনদেনটো তাৎক্ষণিক ভাৱে হোৱাত  বাধা দিব পাৰে ।