Huobi আৰু OKEx একচেঞ্জে চীনা গ্ৰাহকসকলৰ বাবে তেওঁলোকৰ সেৱা সীমিত কৰিছে।

Huboi একচেঞ্জে চীনা নাগৰিকসকলক ক্ৰিপ্টো ডেৰিভেটিভ ট্ৰেডিং আৰু কিছুমান মাইনিং সেৱা উপভোগৰ সুবিধা সীমিত কৰিছে, আনহাতে OKEx এ চীনত ইয়াৰ Crypto OKB ৰ ট্ৰেডিং বন্ধ কৰি দিছে।

 

চীনা চৰকাৰে বিটকইন মাইনিং আৰু ব্যৱসায়ৰ বিৰুদ্ধে কঠোৰ পদক্ষেপ লোৱাৰ প্ৰতিশ্ৰুতি দিয়াৰ কেইদিনমান পিছতে, ক্ৰিপ্টোকাৰেন্সী এক্সচেঞ্জ Huboi আৰু OKEx এ চীনা গ্ৰাহকসকলক তেওঁলোকৰ কিছুমান সেৱা উপভোগ কৰাত বাধা দিবলৈ আৰম্ভ কৰিছে।

 

Huboi এ কয়  যে ই "কিছুমান বজাৰৰ গ্ৰাহকৰ" বাবে "বিনিয়োগকাৰীসকলৰ স্বাৰ্থ সুৰক্ষিত কৰিবলৈ" "বজাৰত শেহতীয়া গতিশীল পৰিৱৰ্তন" লক্ষ কৰি ক্ৰিপ্টো ডেৰিভেটিভৰ ব্যৱসায় অস্থায়ীভাৱে বন্ধ কৰি দিছে । যদিও Huboi ৰ মুখপাত্ৰজনে উল্লেখ কৰা নাছিল যে Huboi য়ে বিশেষকৈ চীনত ডেৰিভেটিভ ব্যৱসায় বন্ধ কৰি দিছে।

 

মুখপাত্ৰজনে লগতে কয় যে কোম্পানীটোৰ Mining Pool Service,  Huboi Pool এ চীনা গ্ৰাহকসকলক মাইনিংত বাধা দিছে। ইয়াত কোৱা হৈছে যে সীমাবদ্ধতাবোৰ হৈছে "আমাৰ বিদেশী উপস্থিতিৰ সম্প্ৰসাৰণৰ ওপৰত গুৰুত্ব দিয়া।"

 

চীনা ব্লকচেইন সাংবাদিক কলিন ৱুৱে কৈছিল যে বিটকইন মাইনিং কর্মীসকলক শ্বেল্ফৰ পৰা আঁতৰ কৰা হ'ব, কিন্তু Huboiৰ মাইনিং সেৱা প্ৰভাৱিত নহয়।

 

OKEx ৰ এজন মুখপাত্ৰই কয় যে ই ইয়াৰ পিয়েৰ-টু-পিয়াৰ প্লেটফৰ্মত চীনা ব্যৱহাৰকাৰীসকলৰ বাবে ইয়াৰ টোকেন, OKB অস্থায়ীভাৱে ডিলিষ্ট কৰিব। এই প্রক্রিয়া কাইলৈ দুপৰীয়া ২ বজাত আৰম্ভ হ'ব। মুখপাত্ৰজনে কোনো নিৰ্দিষ্ট কাৰণ উল্লেখ কৰা নাছিল ।

 

যোৱা সপ্তাহত OKB  ৬৭% হ্ৰাস হৈ ১০.৮৬ ডলাৰ হৈছে। যোৱা সপ্তাহত Huboi টোকেনও ৬৩% হ্ৰাস হৈ ১১.৫ ডলাৰ হৈছে।

 

চৰকাৰে ২০১৭ চনত ক্ৰিপ্টোকাৰেন্সী এক্সচেঞ্জ নিষিদ্ধ কৰাৰ পিছত দুয়োটা একচেঞ্জে চীন ত্যাগ কৰিছিল। অৱশ্যে, তেওঁলোকে  চীনা গ্ৰাহকসকলক সেৱা প্রদান কৰি আছিল  আৰু তেওঁলোকৰ মূল কোম্পানীবোৰে এতিয়াও চীনৰ বাহিৰত কাম কৰে।

 

এই সপ্তাহত চীনৰ পৰা দুটা গুৰুত্বপূৰ্ণ বিকাশৰ পিছত ক্ৰিপ্টো বজাৰক নিম্নগামী কৰি তুলিছে ।

 

১৭ মে'ত, চীনৰ তিনিটা মুখ্য পৰিশোধ সংস্থা - চীনৰ নেচনেল ইণ্টাৰনেট ফাইনেন্স এছ'চিয়েচন, চাইনা বেঙ্কিং এছ'চিয়েচন, আৰু পেমেণ্ট এণ্ড ক্লিয়াৰিং এছ'চিয়েচন অফ চাইনা -ই ২০১৭ চনৰ  নিয়ন্ত্ৰণৰ প্ৰতি তেওঁলোকৰ প্ৰতিশ্ৰুতি পুনৰ নিশ্চিত কৰে যি ক্ৰিপ্টোৰ সৈতে লেনদেন কৰা বিত্তীয় প্ৰতিষ্ঠানবোৰক বাধ-নিষেধ আৰোপ কৰে। সংস্থাসমূহে ক্ৰিপ্টো অনুমানৰ বিৰুদ্ধে সতৰ্কবাণীও জাৰি কৰিছিল ।

এই বাতৰিটোৰ পিছত, যাক ক্ৰিপ্টোৰ ওপৰত এক নতুন নিষেধাজ্ঞা হিচাপে ব্যাপকভাৱে ভুল কৈ প্ৰকাশ কৰা হৈছিল, বিটকইন প্ৰায় ৩১৬০০ ডলাৰৰ তললৈ হ্ৰাস পাইছিল। ২১ মে'ত চীনা চৰকাৰে কৈছিল যে "বিত্তীয় বিপদাশংকা প্ৰতিৰোধ আৰু নিয়ন্ত্ৰণ" কৰিবলৈ বিটকইন  মাইনিং আৰু ব্যৱসায়ৰ ওপৰত কঠোৰ পদক্ষেপ লোৱাৰ প্ৰয়োজন আছে তেতিয়া বিটকইনৰ মূল্য আৰু অধিক হ্রাস হৈ পৰিছিল। সেই ঘোষণাটোৱে বিটকইনক বিপয্যাস্ত কৰিছিল ।